Issue No: 3/26

Kelma mid-Delegat

Għeżież Għalliema tar-Reliġjon fl-iskejjel ta’ Malta u Għawdex, Filwaqt li qed nikteb dan il-messaġġ, kemm intom kif ukoll l-istudenti tagħkom għaddejjin mill-perjodu tal-eżamijiet. Intom bħala dawk li qed tfittxu li taħsdu l-frott ta’ dak li tħabattu għalih matul is-sena skolastika li waslet biex tintemm, u huma l-istess, imma minn perspettiva differenti. Wara sena skolastika li fiha jkollna taħbit li xi kultant ma’ tistax tispjegah, ilkoll inħossuna għajjenin u xi ftit ukoll tqal biex naqbdu affarijiet ġodda. Għalhekk il-vaganzi huma mportanti biex nirriġeneraw lilna nfusna; insibu lilna nfisna mill-ġdid ħalli la darba nerġgħu nidħlu lura għal sena skolastika ġdida nkunu mimlijin enerġija. Għaldaqstant, il-vaganzi huma perjodu importanti ħafna f’ħajjitna, u mhumiex meqjusin bħala ħela ta’ ħin. Ibda biex huwa prattikament impossibbli li tgħallem fis-sħana li jaf joffri s-sajf Malti, u barra minn hekk, huwa importanti li nieqfu wkoll mir-rutina ta’ kuljum biex nagħtu każ ta’ aspetti oħra f’ħajjitna, li xi drabi mhux neċessarjament ikollna ċans li nagħtu kashom matul il-bqija tas-sena minħabba dak kollu li jkollna x’nagħmlu fil-ġranet tax-xogħol. Il-vaganzi joffrulna ħin għal quality time magħna nfusna u mal-familji tagħna. Ejjew f’dawn il-mumenti napprezzaw ir-rigal taż-żmien li l-Mulej joffrilna b’xejn, imma li fl-istess waqt ma jixtiqniex li ma napprezzawhx, jew inkella ma nużawhx bl-aħjar mod possibbli biex inkunu mal-oħrajn, jew inkella biex forsi b’xi mod naħdmu għall-benefiċċju tal-oħrajn f’xi voluntarjat li għalkemm forsi jġib miegħu mumenti ta’ għajja fiżika, imma jimliena bil-forza għax qed niddedikaw dak il-mument ta’ ħajjitna biex ħaddieħor ikun xi ftit aħjar. Nawguralkom ilkoll sajf ta’ mistrieħ biex la nerġgħu nibdew is-sena skolastika li jmiss nidħlu b’entużjażmu ġdid għall-missjoni tagħna bħala Għalliema tar-Reliġjon.

Avvizi mill-Ispiritual Development in Schools

Mumenti ta’ talb waqt l-Għid

Xi drabi ngergru li fi żmien irRandan ikun hawn diversi attivitajiet spiritwali imma fl-Għid le. Għalhekk matul żewġ Sibtijiet fi Żmien l-Għid organizzajna mumenti ta’ talb magħqud ma’ introduzzjoni dwar kif torganizza u toħloq spazji ta’ talb.

Grupp ta’ edukaturi f’ Taize

Interessat li tingħaqad magħna f’ġimgħa Taize, gimgħa ta’ skiet, talb u paċi? Idħol hawn għal iktar informazzjoni: https://sds.mt/in/trip-to-taize/

2026-2027

Matul is-sena skolastika l-ġdida, bħala SDS ser noffru dawn is-servizzi u programmi. Dawn huma:

Għal kulħadd:

Riżorsi relatati ma’ tema tas-sena.
Riżorsi aġġornati relatati ma’ ċelebrazzjonijiet importanti bħall-bidu tas-sena, Għid tal-Imwiet, San Nikola, in-Nawfraġju ta’ San Pawl u oħrajn.
Sessjonijiet ta’ Prayer Spaces fl-iskejjel għall-istudenti: https://sds.mt/programmes/prayer-spaces/
Laqgħat bejn l-Isqfijiet u l-istudenti fl-iskejjel: https://sds.mt/programmes/maltese-bishops-visiting-schools/

Għall-istudenti fil-Primarja:

Soul Speak: Programm ta’ 4 sessjonijiet li jintegra l-istrategija tal-kitba u l-ispiritwalità: https://sds.mt/programmes/soul-speak-programme/
Bil-Qari u l-Kitba insib spazju għal Qalbi: Programm li jintegra l-kitba kreattiva u l-ispiritwalità: https://sds.mt/programmes/with-reading-and-writing-i-find-a-beloved-space/

Għall-istudenti tas-6 u t-8 sena

Living Love Joyfully: Sessjoni relatata mat-tranżizzjoni ghall-istudenti tas-sitt u t-tmien sena: https://sds.mt/programmes/living-love-joyfully-session/

Għall-istudenti tal-11-il sena

More: Sessjoni ghall-istudenti tal-ħdax-il sena: https://sds.mt/programmes/more/

Għall-Edukaturi

Soul Space: CoPE Sessions għall-edukaturi biex nissapportjawhom fl-iżvilupp spiritwali tagħhom.
Labirint spiritwali għall-edukaturi: https://sds.mt/programmes/a-labyrinth-experience-for-educators/Cope
Award in Creating and Animating Prayer Spaces: https://sds.mt/programmes/a-three-week-course-in-creating-animating-prayer-spaces/ . Did-darba ser ikun fuq 4 sibtijiet f’Novembru u Diċembru

Nixtiequ nisimgħu l-esperjenza tiegħek!

Jekk matul dax-xhur animajt xi prayer space jew xi celebrazzjoni fl-iskola, nixtiequ nisimgħu l-esperjenza tiegħek. Qas taf kemm huwa mument ta’ inkoraġġiment għalik u għalina u għal dawk kollha li jaqraw l-esperjenza tieghek!! Iktbilna hawn: https://sds.mt/register

Inkomplu fi Skola Sajf

Se nanimaw spazji ta’ talb għall-istudenti li jattendu Skola Sajf f’Għawdex u Malta. Jekk tixtieq li tagħti daqqa t’id, nistednuk tiġi ftit sigħat magħna biex tipparteċipa f’dawn l-ispazji ta’ talb sajfin. Tista’ turi l-interess tiegħek hawn: https://sds.mt/events/prayer-spaces-for-skolasajf-in-malta-2026/

Laqgħat bejn Mons Arċisqof Charles Scicluna jew l-Isqof Joeph Galea Curmi u l-istudenti ġewwa l-iskejjel huma esperjenzi sbieħ u ta’ ferħ. L-isqfijiet jixtiequ li jiltaqgħu mal-istudenti u l-edukaturi u l-ħaddiema fl-iskejjel.

Matul dis-sena saru laqgħat ġewwa l-iskola Medja, in-Naxxar fi ħdan il-Kulleġġ Maria Regina, l-iskola Primarja tal-Pieta fi ħdan il-Kulleġġ San Ġorġ Preca u l-Boy’s learning Support Centre fil-Ħamrun. Ħu din l-opportunità u bħala skola ibgħatu l- istedina tagħkom lill-isqfijiet: https://church.mt/request-for-event-led-by-the-archbishop-or-auxiliary-bishop/

Programmi u Servizz

Ibqa’ aġġornat/a mal-programmi u riżorsi relatati mal-kura pastorali u l-iżvilupp spiritwali fl-iskola billi żżur https://sds.mt/request/. Tista’ tikkuntattja lil Fr Reuben Gauci, kordinatur tar-religious counsellors u l-Iżvilupp Spiritwali fl-Iskejjel fuq [email protected]

Didàskalos 3/26