Issue No: 4/24
Issue No: 4/24
Kelma mid-Delegat
Rev. Prof. Carl-Mario Sultana
Delegat tal-Konferenza Episkopali għall-Edukazzjoni Reliġjuża
Għeżież Għalliema tar-Reliġjon,
Qegħdin propju f’nofs is-sajf Malti. Dan huwa żmien li lilna joffrilna ftit opportunità li nieqfu mill-ħidma tas-soltu biex nirrikrejaw lilna nfusna. Kemm hija ħaġa tajba li nkunu kapaċi nieqfu u nistrieħu ftit mill-ħidma tas-soltu biex imbagħad nerġgħu nidħlu għall-impenn tat-tagħlim b’ħeġġa kbira.
F’dan kollu ejjew napprezzaw ir-rigal taż-żmien li ġej minn Alla. Aħna fil-ħajja tagħna ngħaddu minn mumenti differenti li lilna jagħtuna ċ-ċans li nagħmlu esperjenza tas-sabiħ tal-ħajja, u meta jkollna ċans li nieqfu u naħsbu nindunaw kemm ħafna drabi ngħaddu minn ħaġa għall-oħra mingħajr ma napprezzaw il-mument ta’ dak il-ħin. Donnu nidħlu f’sistema organizzata b’tali mod li ma jkollniex ċans li nieqfu ftit u naħsbu fis-sabiħ ta’ dak il-mument partikulari fil-ħajja, biċ-ċans li nitilfu, jew ngħaddu minn ħdejn dak li hu sabiħ mingħajr ma aħna lanqas biss nintebħu bih. Inkunu qisna nies li qegħdin taħt il-loppju u ma nindunaw b’xejn.
Ħafna drabi din hija wkoll is-sitwazzjoni ta’ dawk li jkunu afdati f’idejna biex nedukawhom; fil-każ tagħna biex nedukaw id-dimensjoni reliġjuża fil-ħajja tal-bniedem. Ejjew mela niftħu għajnejna u nkunu aħna stess li nkunu dejjem konxji ta’ dak li qed jiġri madwarna biex din l-attitudni fina nkunu nistgħu wkoll ngħadduha lit-tfal, adolexxenti u żgħażagħ li huma afdati f’idejna għall-edukazzjoni reliġjuża tagħhom.
Jekk xi ħadd ikun irid jikkuntattjani dejjem jista’ jsibni fuq in-numru 79603872 jew bl-email [email protected]
Avvizi mill-Ispiritual Development in Schools
Niżirgħu t-Tama
It-Tema tas-sena 2024-2025 magħżula mill-Spiritual Development in Schools hija ‘Niżirgħu t-Tama’. Bħalissa qed nħejju riflessjonijiet għall-edukaturi u sessjoni qasira għar-religious counsellors għal kull xahar. Dawn ir-riżorsi ser ikunu onlajn fil-website https://sds.mt.
Prayer Spaces waqt Skola Sajf f’Għawdex u f’Malta
F’ Lulju l-SDS team u voluntiera oħra animajna prayer spaces għall-istudenti ta’ Skola Sajf ġewwa l-Wied tal-Lunzjata f’Kerċem Għawdex. F’Awwissu ġew organizzati fil-Kappella tal-Providenza s-Siġġiewi. Kompli aqra hawn.
Wara Ġimgħa Camping
Ġewwa Għajn Tuffieħa, flimkien mal-Aġenzija Nazzjonali għal-Litteriżmu, organizzajna sessjoni ta’ animazzjoni ta’ storja, kitba kreattiva u spazju ta’ talb. Aqra iktar hawn. Is-sessjoni li jmiss ser issir fil-11 ta’ Settembru fis-6.30pm ġewwa l-Bajja s-Sabiħa f’ Birżebbugia bl-isem: ‘Kastell tar-Ramel’: https://sds.mt/events/sandcastle/
Nawguralkom Sajf ta’ mistrieħ u rikreazzjoni!
Programmi u Servizz
Ibqa’ aġġornat/a mal-programmi u riżorsi relatati mal-kura pastorali u l-iżvilupp spiritwali fl-iskola billi żżur https://sds.mt/request/. Tista’ tikkuntattja lil Fr Reuben Gauci, kordinatur tar-religious counsellors u l-Iżvilupp Spiritwali fl-Iskejjel fuq [email protected]
Żur il-Website tal-Edukazzjoni Reliġjuża:
